حميد عتيق، زاكورة
الصراحة، بزاف ديال الحوايج بغيناهم يتغيرو هنا! المدينة مهمشة بزاف. كاتمشي للسبيطار مثلا، ما كاتلقى مع من تدوي. غير كاتوصل، كايقول ليك سير لورزازات. خاصك ديك الساعة الكار، ولا تخلص “لامبيلانص” بواحد ألف وخمسمية ولا ألفين درهم، إذا لقيتي “لامبيلانص”. إذا كان شي واحد فشي حالة خطيرة، راه على ما كايوصل لأكدز كايدي مول الأمانة أمانتو! العيالات فاش كايولدو، كايعيشو نفس المعاناة. الناس راه كتعضهم العقرب، ما كايلقاو شكون يدير ليهم غير الإبرة. شي مرات، راه ما كانفهموش كيفاش سبيطار قدو قداش، وما كانلقاوش أطبة كافيين. دبا زاكورة كبيرة وكاين الدواور بزاف دايرين بيها والناس ديال تما كلهوم كايجيو للسبيطار ديال هنا ولكن الموارد البشرية ما كافياش نهائيا.
بالنسبة للتعليم، الطلبة كايمشيو حتى لأكادير باش يقراو. أكثر من 500 كيلومتر! كاين كلية فورزازات ولكن فيها شُعب قليلة! لي عندو غير جوج ولاد، كي غادي يكري ليهم ويخلص “الطرانسبور” وباش يعيشو، والمنحة شحال من واحد ما كايخدهاش، صافي كايصيفطهوم يقراو شي وقت، ومن بعد كايقول ليهم رجعوا بحالاتكوم .
كاين كذلك الموضوع ديال البنيات التحتية. أنا مثلا ساكن فحي أمزرو. دارو لينا الكودرون ف 2010 جاو ف 2015 حفروه كلو باش يدوزو الواد الحار وبقات الطريق كلها حفاري. واش معقولة هادي؟ دبا الطاكسي كاتقول ليه يديك لأمزرو كايقوليك لا ماندخلش نتكرفس على “الطوموبيل” فداك الحفاري، وكيحط الناس بالخضرة متقلين فالدخلة ديال الحي، وهو ما يدخلش.
من الناحية الاقتصادية، كلشي مضرور ومألّم بالخصوص مع هاد الجائحة. كانت الوضعية صعيبة وزادت صعابت. مع دبا حنا ما كاينش شي شركات، الأغلبية خدام النهار بنهارو وصافي. وحتى السياحة نقصات من قبل كورونا كاع وغادي نقول ليك واحد الحاجة، بالنسبة ليا حتى بعض المواطنين مسؤولين على هاد القضية. لأن هنا عندنا بزاف لي كايديرو فيها مرشد سياحي وهي ماشي خدمتهم. يعني السائح ما كايبقاش على خاطرو. ملي كايدخل لزاكورة والناس تابعينو أجي لهنا، دخل لهاد البازار… ما يمكنش! ولا عاوتاني كاين لي كايبيع للسياح شي حوايج بشي أثمنة ما كايناش. صافي، من بعد هداك كايقولها لألف واحد، والناس ما كايبقاوش يتيقوا وكايكون ضرر كبير على المدى البعيد.
كان مقررا أن تحط قافلة الأحرار رحالها في زاكورة على أعتاب الصحراء خلال المرحلة الثانية والتسعين من مبادرة 100 يوم 100 مدينة، لكن تفشي جائحة كورونا أملى عقد اللقاء مع 150 فردا من الساكنة عبر تقنية التناظر بالفيديو في شهر شتنبر 2020. وقد عبر هؤلاء بعفوية تامة عن ارتباطهم بالمدينة وتراثها الثقافي. ولا بد من الإقرار بثراء تاريخ هذه الواحة، إذ يرجع إلى عهد السعديين، حيث شكلت منطلق حملة السلطان المنصور الذهبي الشهيرة صوب تومبوكتو عام 1591.
غير أن معيش السكان اليومي يظهر أقل مجدا، فأكبر همهم الوضع الاقتصادي الذي لا يتيح سوى فرص عمل قليلة. وتعتمد المدينة أساسا على الفلاحة والسياحة، والقطاعان معا يواجهان بعض الصعوبات. ففي المجال الفلاحي، تطالب الساكنة بتثمين أفضل للمنتجات المحلية وتشجيع عدد أكبر من التعاونيات العاملة في مجال التمور والحناء وكذا إيجاد حلول لإشكالية شح المياه في ظل توالي سنوات الجفاف.
وعلى الصعيد السياحي، يتطلع المواطنون إلى تحقيق التنمية من خلال طَرق باب السياحة الخضراء التي ستثمن بساتين النخيل والقصبة والصحراء وكثبانها. فضلا عن ذلك، دعا المشاركون إلى تجديد المدينة بتعزيز أصالتها وجعلها أكثر جاذبية. ولم يُخف السكان تطلعهم إلى مشروع أنفاق تيشكا وسد أكدز (قيد الإنشاء).
وفي الختام، أسهب المشاركون في نقاش موضوع الصحة. فالمستشفى الإقليمي في زاكورة أحد أكبر مستشفيات المنطقة، ومع ذلك يقول المرضى إنهم غالبا ما يوجهون إلى ورزازات أو مراكش لتلقي العلاج. ويعزى هذا الوضع أساسا إلى نقص التجهيزات والأطر الطبية وغياب العديد من التخصصات.
