لحسن أيت تيكرت، تارودانت
المدرسة العمومية فيها وفيها. كاين شي وحدين مزيانين وكاين بزاف ديال المؤسسات كايهجروهوم الناس حيت التسيير والمردود ديالهم ماشي فالمستوى. ما كاينش مواكبة. التلميذ ما كا يحسش بأن الأستاذ كايديها فيه ومتبع معاه شنو ناقصو. خاص رقابة أكثر على الأطر التربوية. والحياة المدرسية كاتقتصر على الحد الادنى. ما كاينش أنشطة تربوية، ثقافية أو فنية. الجمعية الرياضية المدرسية هي فقط حبر على ورق. الدليل: ما كاين تظاهرات، ما كاين فرق مدرسية ناجحة ولا أبطال لي كا نكتشفوهوم فالمدارس. يعني خاص كذلك توجيه وتحفيز للأطر التربوية وكذلك الإدارية… حيت بعض المرات، وخا الأساتذة كايبغيو يديرو شي حاجة، كايصطدمو بالرفض ديال الإدارة! ما عرفتش علاش ما كانعطيوش أهمية لهاد الأنشطة لي كاتسد واحد الفراغ فالحياة ديال التلاميذ!
والأغلبية ديال الشُعب لي كاينة فالتكوين المهني هنا هي شعب لي تجاوزها الوقت. خاص شعب جداد ومبنية على دراسة للنسيج الاقتصادي ديال تارودانت. المدينة فيها السياحة والصناعة التقليدية ولكن هاد الميادين ما كايتدرسوش فالتكوين المهني! فاش كتعطي لشي واحد دبلوم وما عندوش فين يخدم بيه، راك بحال إلا كاتعطيه وثيقة تثبت أنه عاطل رسمي!
المستشفى الإقليمي المختار السوسي كيتحمل الضغط ديال 89 جماعة ترابية. إذا خدينا غير الساكنة ديال مدينة تارودانت بوحدها، راه ما كافيهاش داك السبيطار، لا من ناحية الطاقة الاستيعابية، ولا من ناحية نوعية الخدمات حيت بزاف ديال التخصصات منعدمة تماما! اختصاصي فمرض السكر ما كاينش. اختصاصي فالغدد ما كاينش. جراحة الدماغ والأعصاب كذلك! عدد الأسِرّة فالإنعاش قليل جدا! إرم (IRM) ماكاينش! كاين كذلك بزاف ديال التحاليل ما متوفراش فالسبيطار. يعني لي عندو الراميد، خاصو يمشي يديرهم على حسابو برا!
الساكنة النشيطة كاتزاد ولكن النمو الاقتصادي ضعيف. عندنا صناعات غذائية ولكن كتقتصر على التغليف وتحضير التصدير. ما كاينش صناعات تحويلية لي هي فين كاينة قيمة مضافة كبيرة. والمشكلة كذلك هي أن التغليف كيخدم شهرين ولا 3 شهور فالعام. ولكن كون كانوا عندنا معامل ديال العصير و”لاصوص طوماط” مثلا، كان غادي يخدم العام كامل!
خاص الترويج ديال المدينة باش نجيبو المستثمرين والسياح. دبا حتى فاش كايكونوا أنشطة إشعاعية، كايكون غالب عليها الطبيعة الترفيهية وما كايكونش عندها تأثير إيجابي كبير على المدينة.
توجهت قافلة الأحرار في مطلع سنة 2020 إلى تارودانت، في قلب وادي سوس. هنالك، بين الأطلسين الكبير والصغير، دار نقاش مع 240 فردا من السكان، جاؤوا ليدلوا بتصورهم للمدينة ومستقبلها.
عبر المشاركون عن ارتياحهم لما يسود المدينة من هدوء وأمان، لكنهم توجسوا من اضمحلال هويتهم الثقافية. فهم يرغبون في إحياء تاريخهم وتقاليدهم الأمازيغية التي يفتخرون بها، وذلك من خلال تطوير الصناعة التقليدية والسياحة. وذكر بعض المشاركين أن تارودانت إحدى أقدم المدن التي ارتقى بها السلطان السعدي أحمد الأعرج إلى منزلة العاصمة التاريخية سنة 1543.
تعتبر الساكنة المحلية بأن المستوى المعيشي ضعيف نسبيا، وأشاروا جميعهم إلى قلة فرص العمل، وعبروا عن قلقهم إزاء غياب المناطق الصناعية وقلة المشاريع الاستثمارية. ودعا المشاركون إلى استغلال كامل لما تزخر به مدينتهم ومنطقتهم من مؤهلات سياحية من قبيل أسوارها وأبوابها الشهيرة فضلا عن الحرف المحلية، لا سيما المدابغ.
ولم تفت المشاركين الإشارةُ إلى الصعوبات التي تواجه قطاع الصحة. صحيح أنهم نوهوا بوجود مستشفى كبير، لكنهم وضعوا أصابعهم على مكامن الخلل من نقص في التجهيزات والأدوية والأطر الطبية العامة والمتخصصة على حد سواء. وذكروا أن تدبيره تشوبه مجموعة من الاختلالات وعدم اكتراث لحملة بطاقة راميد.
أخيرا، تم تشخيص مواطن الضعف التي تعتري قطاع التعليم، إذ يشعر التلاميذ بالتهميش جراء اكتظاظ الأقسام ونقص المهارات التربوية لدى بعض الأساتذة. كما يجد التلاميذ أنفسهم أحيانا عرضة للهدر المدرسي بسبب نقص المعدات التربوية وغياب النقل المدرسي. لقد حزت تلك الملاحظات في القلب وهي تصدر عن مدينة تحتضن ثانوية محمد الخامس للتعليم الأصيل التي أنجبت غالبية نخب المنطقة.
